سألته "بكام البيض"؟؟؟
قال لها "الواحدة ب جنيه و أربعين قرش" .
قالت له "هاخد الستة ب ستة جنيه" .
رد العجوز "خدى اللى انتي عايزاه بالسعر اللى تحبيه ... انا مبعتش انهاردة حتى بيضة واحدة ... يمكن ربنا يفتح عليا" .
خدت البيض و حاسة انها انتصرت ... ركبت سيارتها ... و قابلت صديقتها فى الكافيتريا الفاخرة جدا ... طلبوا زى ما طلبوا و اكلوا اقل من اللى سابوه ... و طلبت الفاتورة قالها 170 جنيه ... دفعت 200 و قالت له من طرف مناخيرها شكرا و سابت الباقى اللى صاحب الكافيتريا بيطلع منه ربعه للعمال و بياخد هو الباقى.
يمكن الكلام دا عادى و بيحصل كتير جدا مع صاحب الكافيتيريا لكنه مؤلم جدا و منتهى عدم الانسانية بالنسبة لصاحب البيض !!!
ليه دايما الغالبية من الناس بتحب تظهر قوتها و سطوتها على المحتاج بإعتبارها شطارة ؟؟؟
و ليه بنظهر الكرم لغير المحتاج ؟؟؟
اشترى حاجات بسيطة من البسطاء حتى لو سعرها أغلى من أماكن تانية و حتى لو مش محتاج تشترى ... ولو ظروفك تسمح اترك الباقى ...
اوعي تفكر ان كده الناس بتضحك عليه !!!
دى مساعدة وواجب انساني عليك للناس الغلابة بس نساعدهم يحافظوا بيها على كرامتهم" ...
إرسال تعليق