فصل الارقام عن الحروف فى اكسيل بدون معادلات

بدأت جديد فى مجال البرمجة؟ بتسمع كتير عن حاجه اسمها git او Github ؟




ببساطه الـ Git هو نظام تحكم لاستضافة نسخ المشاريع أو الأكواد البرمجية مفتوحة المصدر وإدارتها، يعنى عامل زى المخزن للمشاريع البرمجية وبيرصد أى تغيير او تعديل او اضافة حصلت فى مشروعك من البداية لحد ما يخلص




⏪ دلوقتى انت لما بتبدأ تشتغل فى مشروع، بعد ما بتخلص كتابة الكود بتحفظ المشروع وكل لما بتعمل تعديلات او اضافات بتحفظ نسخة جديدة من المشروع عشان لو حبيت ترجع للنسخة القديمة، وبالتالى بيكون عندك نسخ كتير لنفس المشروع وكل النسخ دى بتاخد مساحه كبيرة على جهازك، وده بالنسبة لمشروع

واحد، طيب لو بتشتغل على 5 مشاريع هتعمل ايه؟




ومن هنا ظهرت فكرة موقع الــGitHub !




ظهر عشان يوفر عليك عبء انك مظطر تحفظ نسخ كتير لنفس البرنامج على الجهاز، وبالتالى انت هيكون عندك نسخة واحدة بس من المشروع، وهو هيحفظلك النسخ القديمة وكمان هيحدث اى تعديلات او اضافات هتقوم بيها




👈 تطبيق GitHub بيوفرلك فرصة لمشاركة مشروعك مع مبرمجين اخرين، انت كمان ممكن تعدل على نفس الملف انت واصحابك فى نفس الوقت من غير ما تضييع اى تعديلات




👈 بالإضافة ان عندك امكانيه انك تخلى المشروع Public لمشاركة الجميع ومعرفة ارائهم




👈 الى جانب انك تقدر تشوف مئات المشاريع المفتوحه وتتعلم منها او تساهم فى تطويرها، ومن اشهر المشاريع اللى تم تطويرها على GitHub فريمورك Django والـ JQuery وBootStrap ولغة Ruby on Rails وغيرهم




👈 والـ GitHub يعتبر Portfolio لأعمالك السابقة والمشروعات اللى اشتغلت عليها، وغالباً الشركات بتطلب تشوف الـ GitHub بتاعك عشان تعرف اكتر على مهاراتك البرمجية وخبرتك




الخلاصة، كمبرمج جديد لازم تبدأ تاخد فكرة عن GitHub وتعمل اكونت وتعرف اكتر ازاى بيشتغل، وتبدأ تستخدمه فى كل مشروعاتك الجايه